(Leh Daih Mai a)
Ka dawn thin khuavel ram zawngte,
A zim tawh e kan lenna vangkhawpui tual nuam..
“Global Village” an ti in auh phak lek iangin,
Chhak mi leh thlang mi pawh kan lem tawh lo e…
Changkanna lam tluang kan zawh Zofate paw’n,
Dar zai thlun hrui hnawla ‘Biakhlatna mumte’,
Vangkhua tin dap chhuakin runsum tin a dengchhuak e;
Changkanna lai bu kan thaidarh, Sappui iangin.
Khawlthluak nei leh thiamril bungrua a sang tual tual,
Mitthi khua ah nen lam ‘Tower’ bun tawh a mawiin,
Mang ram a ang dawn dawn alawm le kan nunphung;
Pi Pu te’n hmu ve se an hrilhfak a tling ngei ang.
Rawngbawlpui duhtak, i dawn ve thin em kan channa hi,
Lal Krista chanchin ai chuan ‘Episode’ chhunzawm leh hun tur,
Kan buaipui zawk ta em ni, Lalthuthlung keng lo ennnawm ropui,
Biak buk pawh lawi zai rel lovin, runchhungah khawvel kan thlir ta maw..
Biak Run Chhung pawh kan zah zo ta lo; thangthar lungfing zawk ten,
Hmanah chuan pawnlam chang e, tuibur zuk leh Vaibel ten,
Tunah erawh chitin kan hum lut Ka Lalpa Runah,
‘Mobile Phone’ nen lam a ri tuar tuar e, Dawn chiang mah teh..
Thangthar nun hi ka hril ngam lo, ka hril ngam lo,
Lal Krista thu kengtu leh inserthianghlimte- thing an tihna ram,
Kraws thiltihtheihna aia Politician an chhuang zawk hmun,
Krista nge Baraba tih hun kha kan thleng leh ta em ni le…?
Unau duhtak, keini chu e, Kan rawngbawl hna hi an dem lohna turin,
Eng kawngah mah tluk phah na tur reng reng in siam lo ila,
Pathian rawngbawl tute angin engkimah mi mit tlungin i awm zawk ang u,
He Kum sangbithar hi Lal Krista nen aw…..
Comments
Post a Comment